«Նորգեո» ընկերությունը հիմնադրվել է 2012 թվականին և այսօր հանդիսանում է Հայաստանի խոշորագույն հանքարդյունաբերական, հետազոտական և գեոտեխնոլոգիական ընկերություններից մեկը: Մեր ընկերությունը մատուցում է բազմապիսի ծառայություններ, ներառյալ գեոդեզիայի, հետազոտության, մշակման, հանքարդյունաբերության և արտադրության բոլոր փուլերում՝ համագործակցելով խոշոր, միջին ու փոքր հանքարդյունաբերական և ճարտարագիտական ընկերությունների հետ:

«Նորգեո»-ն առանձնանում է իր կարողությամբ իրականացնել ցանկացած բարդության աշխատանք՝ անկախ գտնվելու վայրից, աշխարհագրական դիրքից, կլիմայական պայմաններից, երկրաբանական առանձնահատկություններից կամ գրունտի տեսակից: Մենք ապահովում ենք սեղմ ժամկետներում որակյալ ծառայությունների մատուցում՝ համապատասխանելով միջազգային բարձր ստանդարտներին:

Ընկերության մրցակցային առավելություններից մեկն է աշխատանքների արագ և որակյալ իրականացումը՝ շնորհիվ մեր նորագույն սարքավորումների և տեխնիկական հզորությունների: Մեր տեխնիկային են պատկանում էքսկավատորներ, բուլդոզերներ, գրեյդերներ, փոխագուցավոր վերաբեռնիչներ, ինքնաթափեր, բեռնաթափեր, թրթռագլդոններ, կցասայլեր և տարատեսակ հորատող հաստոցներ՝ ալմաստով, հետադարձ շրջապտույտով, DTH հորատող հաստոցներ և ավելի քան 60 միավոր ծանրաքաշ բազմաֆունկցիոնալ օժանդակ տեխնիկա ու գործիքներ, որոնք պարբերաբար թարմացվում և լրացվում են:

Մեր ընկերությունը հանդիսանում է ոլորտի առաջատարներից մեկը երկրում, ապահովելով տարեկան միջինը 5,000,000 խորանարդ մետր պայթեցման ծավալ: «Նորգեո» ՍՊԸ-ն ունի ինստիտուցիոնալ և տեխնիկական բոլոր հնարավորությունները՝ իրականացնելու բարձրորակ երկրաբանական, գեոքիմիական, երկրաբանական և գեոտեխնիկական դաշտային հետազոտություններ: